ТОШКЕНТ, 7 ноя — Sputnik. АҚШнинг собиқ президенти Дональд Трамп Украина президенти Владимир Зеленскийнинг мамлакатга ташриф буюриш таклифини рад этди.
“Мен Зеленскийнинг ҳурмат қиламан, бироқ ўйлайманки, ҳозир бу ноўрин”, - деди Трамп “Newsmax” телекомпаниясига берган интервьюсида.
Сиёсатчининг сўзларига кўра, ҳозир Зеленский билан Жо Байден маъмурияти “шуғулланмоқда” ва у манфаатлар тўқнашувини юзага келтиришни истамайди.
Аввалроқ Зеленский NBC телекомпаниясига берган интервьюсида Трампни Украинага таклиф қилган эди ва 24 дақиқа ичида Трамп бир сутка ичида можарони ҳал қила олмаслигини тушунтиришини айтган эди.
Трамп бир неча бор 2024 йилда АҚШ президенти лавозимига сайланган тақдирда, Украинадаги можарони 24 соат ичида ҳал қила олишини таъкидлаган.