ТОШКЕНТ, 6 ноя — Sputnik. Бугун Тошкентнинг Яшнобод, Бектемир ва Мирзо Улуғбек туманларида электр таъминоти вақтинча тўхтатилади, дея хабар берди "Ҳудудий электр тармоқлари" Тошкент шаҳар филиали.
Куз-қиш мавсумига пухта тайёргарлик кўриш мақсадида пойтахтнинг айрим туманларидаги МФЙларнинг қатор кўчаларида электр таъминоти вақтинча тўхтатилади.
Яшнобод тумани: "Товкантепа" МФЙнинг айрим ҳудудларида соат 10:00 дан 17:00 гача;
Бектемир тумани: "Гулбоғ" МФЙнинг айрим ҳудудларида 14:00 дан 17:00 гача
Мирзо Улуғбек тумани: "Х.Абдуллаева" ва "Сарбон "МФЙларининг айрим ҳудудларида 10:00 дан 16:00 гача.
Юқоридаги ҳудудларда таъмирлаш ишлари белгиланган вақтдан аввалроқ якунланиши мумкин.