ТОШКЕНТ, 30 окт — Sputnik. Евроосиё иқтисодий иттифоқи (ЕОИИ) мамлакатлари ўртасидаги савдо динамикаси жуда яхши кетмоқда, айрим прогнозларга кўра, жорий йилда иттифоқ доирасидаги савдо ҳажми 100 миллиард доллардан ошиши мумкин, деди журналистларга Россия бош вазири ўринбосари Алексей Оверчук. РИА Новости хабарига асосан.
"ЕОИИ мамлакатларида савдо динамикаси жуда яхши кетмоқда, мен бу ҳақда доим гапираман. Агар биз ЕОИИ доирасидаги савдо қандай ривожланаётганини ва ЕОИИ давлатларининг ташқи дунё билан савдосини солиштирсак, бу жуда аниқ бўлади. ЕОИИ анча тез ривожланмоқда”, — деди у Халқаро божхона форуми чоғида.
"Буни, аслида, статистик маълумотлар ҳам тасдиқлайди. Ўтган йили биз рекорд кўрсаткичга эришдик - 84 миллиард (доллар - таҳр.), бу йил бизда ҳам яхши ўсиш бор. Йил, албатта, ҳали тугамаган, лекин бизда шундай бўлади. Жуда яхши ўсиш", - дея қўшимча қилди Оверчук.
Ўзаро савдо 100 миллиарддан ошади деган прогнозлар мавжуд, аммо ҳали вақт бор, деди Оверчук ЕОИИда бу йилги савдо кўрсаткичлари ҳақида.
Унинг сўзларига кўра, бу “ҳақиқатан ҳам, бугунги кунда ЕОИИда бешта давлатимиздаги бизнес вакиллари бир-бирлари билан ишлаш қулайроқ, деб ҳисоблашларига ёрдам берадиган шароитлар яратилган”, дейиш имконини беради.
Халқаро божхона форуми 2023 йил 30-31 октябрь кунлари бўлиб ўтмоқда. РИА Новости форумнинг стратегик ахборот ҳамкори ҳисобланади.