ТОШКЕНТ, 24 окт — Sputnik. Ўзбекистон аёллар терма жамоаси муҳим мусобақага тайёрланмоқда, дея хабар берди Миллий олимпия қўмитаси хабар берди.
Шу йилнинг 26 октябрь – 1 ноябрь кунлари Осиё минтақасида аёллар футболи бўйича Париж-2024 Олимпиадасига йўлланма берувчи саралаш мусобақасининг иккинчи босқич беллашувлари бўлиб ўтади.
Ўзбекистон аёллар терма жамоаси муҳим мусобақага тайёрланмоқда
© НОК
Тошкент шаҳри "С" гуруҳидан ўрин олган ўйинларга мезбонлик қилади. Айни пайтда Мидори Хонда бошчилигидаги Ўзбекистон аёллар терма жамоаси пойтахтда тайёргарликнинг сўнгги қисмини олиб бормоқда.
Ўзбекистон аёллар терма жамоаси муҳим мусобақага тайёрланмоқда
© НОК
Мазкур босқичда ҳар бир гуруҳдан (3 та гуруҳ) биринчи ўринни олган жамоалар, шунингдек, учала гуруҳда энг яхши натижа қайд этган 1 та иккинчи ўрин соҳиби ҳал қилувчи даврага йўл олади.
Ўзбекистон аёллар терма жамоаси муҳим мусобақага тайёрланмоқда
© НОК
Илк иштирокидаёқ Ханчжоу-2022 Осиё ўйинларида ярим финалгача етиб борган қизларнинг тайёргарлиги ушбу баҳсларга қаратилган.
Жамоанинг тақвими қуйидагича:
26 октябрь: Ўзбекистон – Вьетнам;
29 октябрь: Ўзбекистон – Япония;
1 ноябрь: Ўзбекистон – Ҳиндистон.