ТОШКЕНТ, 12 окт — Sputnik. Россия армияси Харьковни бир неча кун ичида озод қилиши мумкин, деди Пентагоннинг собиқ маслаҳатчиси Дуглас Макгрегор Judging Freedom YouTube каналига берган интервьюсида.
“Асосий масала руслар нима қилмоқчилигида. Агар улар ҳужумга ўтиб, Харьковни зудлик билан озод қилишни истаганда, буни бир неча кун ичида амалга ошириш мумкин эди. Ўшанда улар тўғридан-тўғри Киевга ҳаракатланиши мумкин бўларди. Нега улар буни қилмаяпти, фақат тахмин қилиш қолади, лекин улар бунга қодир”, - деди у.
Унинг фикрича, Украина армияси сунъий ҳаётни қўллаб-қувватламоқда.
Июнь ойининг бошидан бери Украина Қуролли кучлари Запорожье, Жанубий Донецк ва Артёмовск йўналишларида НАТО томонидан тайёрланган ва қуролланган жанговар бригадаларни ташлаб, қарши ҳужумни амалга оширмоқда. Владимир Путиннинг таъкидлашича, улар фронтнинг бирон бир участкасида сезиларли муваффақиятларга эриша олмади. Россия Мудофаа вазири Сергей Шойгунинг сўзларига кўра, биргина сентябрь ойининг ўзида Украина армиясининг йўқотишлари 17 мингдан ортиқ киши ва 2,7 мингдан ортиқ қурол-яроғни ташкил қилган.