ТОШКЕНТ, 11 окт — Sputnik. Украинадаги можаро давом этаётгани Владимир Зеленский учун фойдали – акс ҳолда у уруш жиноятлари ва коррупция учун судланади. Бу ҳақда ДХР раҳбари маслаҳатчиси Ян Гагин РИА Новостига маълум қилди.
У Зеленскийнинг можаро давом этаётган пайтда сайловлар ўтказилсагина иккинчи муддатга номзодини қўйиши ҳақидаги баёнотига шундай муносабат билдирди.
“Бу ерда мен у билан мутлақо баҳслашмайман, чунки, табиийки, унинг учун ва унинг кабинети, бутун бандаси учун ўз жойида қолиш фойдали ва уруш давом этиши фойдалидир, чунки уруш тугаши биланоқ, ўйлайманки, бу одамлар ҳукм қилинади. Улар Украина қонунларига мувофиқ, Россия Федерациясига, Донбасс халқига қарши уруш жиноятлари, шу жумладан, Украина халқига қарши жиноятлар учун судланади, — деди у.
Унинг сўзларига кўра, Зеленский ҳарбий можаро бўлган тақдирдагина президент бўлиб қолиши мумкин, унинг “маълум иммунитети” бор, аммо бу тўхташи билан “уни ўз халқи паншохага кўтаради”.
"Ва худди шу тарзда, эҳтимол у АҚШга қарши жиноятлар учун, бу урушнинг асосий ҳомийси сифатида, коррупция учун судланади. Менимча, Исроил расмийлари у ерга аралашади, чунки Украинага НАТО давлатлари томонидан етказиб берилган Украина қуроллари билан яқинда Исроил том маънода ҳужумга учраган", - дея қўшимча қилди у.