ТОШКЕНТ, 8 окт — Sputnik. Ўзбекистон вақти билан бугун, 8 октябрь куни тонгда ўзбекистонлик боксчи Бектемир Мелиқўзиев ўзининг навбатдаги жангини ўтказди.
Жанг АҚШнинг Лас-Вегас шаҳрида бўлиб ўтди.
Профессионал бокснинг супер ўрта вазн тоифаси вакили Мелиқўзиевга Алантес Фокс рақиблик қилди.
10 раундга белгиланган беллашувнинг 4-раундида Бектемир рақибига кетма-кет зарбалар ёғдирди. Натижада ҳакам жангни тўхтатди ва техник нокаут қайд этди.
Шу тариқа Мелиқўзиев ўзининг WBA Intercontinental чемпионлик камарини яна бир марта ҳимоя қилди.