ТОШКЕНТ, 6 окт — Sputnik. Ўзбекистон ва Россия муносабатлари фаол ривожланмоқда. Ривожланиш ҳамкорликнинг ҳамма йўналишларида кузатилмоқда. Бу ҳақда Ўзбекистон президенти Шавкат Мирзиёев Россия бош вазири Михаил Мишустин билан учрашувда маълум қилди.
“Бизнинг икки томонлама муносабатларимиз кенг қамровли стратегик шерикчилик ва иттифоқчилик даражасига кўтарилди. Сўнгги йилларда биз Владимир Владимирович (Путин) ва менинг сиёсим иродам туфайли кўп ютуқларга эришдик. Ҳамкорлигимизнинг барча йўналишларида ривожланиш кузатилмоқда”, - деди Мирзиёев.
Ўзбекистон раҳбари бу галги ташриф дастури мазмунга бой бўлишини таъкидлади. Мирзиёевнинг сўзларига кўра, мамлакатлар аллақачон биргаликда кўп ютуқларга эришган, бироқ икки томонлама муносабатларни ривожлантиришнинг сезиларли салоҳияти ҳали ҳам бор.
“Ишга солишимиз керак бўлган захиралар, ресурслар бор”, - деди президент.
Ўзбекистон етакчиси Россия билан ҳамкорлик қилиш мамлакат учун муҳимлигини таъкидлади.
“Кооперацияда Россия билан бизнинг жиддий ниятларимиз бор, чунки бундан мураккаб вақтда биз бирлашишимиз даркор”, - деди Мирзиёев.
Ўзбекистон раҳбари Москва ва Тошкент ўртасида янги натижаларга эришилган кооперациянинг кўп йўналишлари борлигини қўшимча қилди.