ТОШКЕНТ, 4 окт — Sputnik. Бугун, 4 октябрь куни, соат тахминан 07:55 лар атрофида Чилонзор йўналишининг "Чинор" (5-бекат) бекатидан ҳаракатланиши керак бўлган 14-сонли ҳаракат таркибининг тормоз тизимида техник носозлик ҳолати кузатилди. Бу ҳақда “Тошкент метрополитени” ДУК хабар берди.
Бунинг натижасида бу ҳаракат таркиби белгиланган вақтда ҳаракатлана олмаган.
Йўловчиларга ноқулайлик туғдирмаслик ва ҳаракат жадвалини бузмаслик мақсадида, ҳаракат таркиби унинг ортидаги йўловчиларсиз бўлган поезд орқали тиркамага олиниб, текширув йўлагига олиб борилган.
Ҳозирги вақтда йўналишдаги барча поездлар белгиланган жадвал асосида ҳаракатланмоқда.