ТОШКЕНТ, 29 сен — Sputnik. Ханчжоу-2022 Осиё ўйинларида иштирок этаётган саблячи қизлар ярим финалга йўл олишди, дея хабар берди Миллий олимпия қўмитаси.
Қиличбозликнинг сабля йўналиши бўйича Ўзбекистон аёллар терма жамоаси чорак финалдан муваффақиятли ўтди.
© НОК
“Сингапурга қарши баҳс олиб борган қизлар 45:32 ҳисобида ғалаба қозониб, ярим финалга йўл олишди”, — дейилади хабарда.
Айтилишича, ушбу натижа спортчиларга камида бронза медалини нақд қилди.
Хитойда ўтаётган Ханчжоу-2022 Осиё ўйинлари 8 октябрга қадар давом этади.