Канада бош вазири Жастин Трюдо собиқ СС аскари Канада парламентига таклиф қилингани учун яҳудий, лўли ва ЛГБТ вакилларидан кечирим сўради, лекин СССР халқларини тилга олмади.
Ўз тавбасида Трюдо шундай деган:
"СС ветеранининг парламентга таклиф қилиниши Иккинчи жаҳон уруши йиллардан нацистлар қўлида миллионлаб қурбон бўлган яҳудийлар, поляклар, лўлилар ва ЛГБТ вакиллари авлодлари ва нацизм геноцидига учраган бошқа миллионлаб халқлар учун жуда оғриқли бўлди. Буни ҳеч ким ҳеч қачон унутмайди. Биз Канада парламентида содир бўлган хатоликлдан жуда афсусдамиз".
Канада бош вазири ўз сўзида нацизмдан энг катта зарар кўрган, 25 миллионга яқин аҳолисини йўқотган СССР ҳақида ҳеч бир сўз айтмади.
Ҳа дарвоқе, ўша СС ветеранини парламентга таклиф қилинишидан "мен бехабар эдим" деган Трюдо уни ўз кабинетида шахсан қабул қилган. Бу ҳақида журналистлар ССчининг набираси ижтимоий тармоқларга жойлаштирган суратидан билиб қолишди.