ТОШКЕНТ, 27 сен — Sputnik. Ханчжоуда ўтаётган Осиё ўйинларида шахмат бўйича Ўзбекистон терма жамоаси делегация ҳисобига қўшалоқ медаллар тақдим қилди. Бу ҳақда Миллий олимпия қўмитаси хабар берди.
Эркаклар ўртасидаги баҳсларда Нодирбек Абдусатторов 7 очко билан кумуш, Жавоҳир Синдоров эса 6.5 очко билан бронза медалига сазовор бўлди.
© НОК
Шунингдек, шахматчи Умида Омонова Ўзбекистон делегацияси ҳисобига кумуш медални тақдим қилди. 9 тур якунига кўра, Омонова 6.5 очко билан иккинчи натижани қайд этди ва кумуш медал билан тақдирланди.
© НОК
Эслатиб ўтамиз, Осиё ўйинлари 23 сентябрда бошланган ва у 8 октябрга қадар Хитойнинг Ханчжоу шаҳрида давом этади.