ТОШКЕНТ, 26 сен — Sputnik. Ўзбекистонлик гимнастика афсонаси Оксана Чусовитина Осиё ўйинларининг финал босқичига йўл олди, дея хабар берди Миллий олимпия қўмитаси.
Қайд этилишича, Чусовитина таяниб сакраш дастурида яна бир бор чемпионлик учун баҳс олиб борадиган бўлди.
Унинг саралашдаги икки чиқиши ўртача ҳисобда 12.949 баллга баҳоланди.
Эслатиб ўтамиз, ҳозирча Ўзбекистон делегацияси Хитойда бўлиб ўтаётган Осиё ўйинларида умумий ҳисобда 14 та медални қўлга киритган. Спортчилар ҳисобида 4 та олтин, 4 та кумуш ва 6 та бронза медали бор.