ТОШКЕНТ, 26 сен — Sputnik. Тошкентга Хитойдан “гармошка” электробуси олиб келинди, дея хабар берди Транспорт вазирлиги.
Қайд этилишича, электробус “Xiamen King Long United Automotive Industry Co., Ltd” компанияси томонидан ишлаб чиқарилган.
“18 метрли "King Long" русумли электробус "Тошшаҳартрансхизмат" АЖ расман топширилди”, — дейилади хабарда.
Айтилишича, тез кунларда ушбу замонавий, қулай ва экологик тоза электробус пойтахт аҳолисига хизмат кўрсата бошлайди.
Эслатиб ўтамиз, апрель ойида Тошкентга узунлиги 12 метрга тенг "Yutong" электробуси олиб келинган эди. Электробус жами 88 нафар йўловчини сиғдиради.