ТОШКЕНТ, 24 сен — Sputnik. Ўзбекистон президенти Шавкат Мирзиёев Италия президенти Сержо Маттареллага ушбу мамлакат собиқ президенти, сенатор Жоржо Наполитано вафот этгани муносабати билан таъзия йўллади. Бу ҳақда президент матбуот котиби хабар берди.
Хабарга кўра, Мирзиёев Италия халқига ҳамда марҳумнинг оила аъзоларига чуқур ҳамдардлик билдирди.
Италиянинг 11-президенти Жоржо Наполитано 22 сентябрь куни 98 ёшида вафот этди.