ТОШКЕНТ, 20 сен — Sputnik. Озарбайжон ва Тоғли Қорабоғ ҳарбий ҳаракатларни тўлиқ бас қилишга келишиб олди. Бу ҳақда Россия Мудофаа вазирлиги маълум қилди, деб ёзмоқда РИА Новости.
“Россия тинчликпарвар контингенти қўмондонлиги воситачилигида Озарбайжон томони ва Тоғли Қорабоғ вакиллари ўртасида жанговар ҳаракатларни тўлиқ бас қилиш тўғрисида келишувга эришилди. Ушбу келишувлар Россия тинчликпарвар контингенти қўмондонлиги билан мувофиқлаштирилган ҳолда амалга оширилади”, - дейилган хабарда.
Аввалроқ Озарбайжон Мудофаа вазирлиги Қорабоғдаги “аксилтеррор операция” 20 сентябрь соат 13:00 дан бошлаб тўхталишини маълум қилган эди. Таъкидланишича, бунинг учун қатор шартларни бажариш керак бўлади, хусусан, Қорабоғда жойлашган ноқонуний қуролли гуруҳлар ўзларининг жанговар позицияларни ташлаб кетишади ва тўлиқ қуролсизланишади.
Озарбайжон президенти маъмурияти реинтеграция масаласи юзасидан Қорабоғ арманлари билан учрашув бўлиб ўтишини эълон қилди. Учрашув 21 сентябрь куни Евлахда бўлиб ўтади.
“Reuters” агентлигининг исми ошкор қилинмаган Арманистон ТИВ раҳбари ўринбосари сўзларига таянган ҳолда ёзишича, Ереван Қорабоғнинг арман аҳолисининг Боку билан музокараларга тайёрлигини тушунади.