Ливия шарқида жойлашган Дерна шаҳридаги тошқинлар туфайли 9 мингдан ортиқ одам бедарак йўқолган
Аввалроқ Ливия миллий армияси (ЛМА) вакили Аҳмад ал-Мисмарийнинг РИА Новостига Дернада 5-6 минг киши бедарак йўқолганини маълум қилган эди.
ОАВ хабарларига кўра, қурбонлар сони кўпроқ бўлиши мумкин.
Ливия ОАВлари аввалроқ хабар қилганидек, якшанба куни “Даниэль” бўрони сабаб кучли сел Ливия шарқидаги бир қатор шаҳар ва аҳоли пунктларида, жумладан, Ал-Байда ва Дернада тўфон ва тошқинларга сабаб бўлган.
Кўплаб турар-жой бинолари, шифохоналар ва бошқа муҳим фуқаролик объектлари сув остида қолган.
Дерна шаҳрида иккита тўғон вайрон бўлиши ва ҳалокатли вазият юзага келиши хавфи туфайли энг жиддий зарар кўрган шаҳар бўлди.
Мамлакат шарқидаги Суса ва Дерна шаҳарлари табиий офат ҳудудлари деб эълон қилинди. Сув тошқинидан жабр кўрган шаҳарларда комендантлик соати жорий этилди.
Ливия Соғлиқни сақлаш вазирлигининг сўнгги маълумотларига кўра, Ливиянинг шимоли-шарқий ҳудудларида содир бўлган сел ва сув тошқинлари оқибатида ҳалок бўлганлар сони 3 минг нафарга етди.
Кучли ёмғир туфайли минтақада аэропортлар ва денгиз портлари ёпилди.
Аввалроқ “Даниэл” бўрони Грецияда кузатилган эди