ТОШКЕНТ, 8 сен — Sputnik. Корея Халқ Демократик Республикаси (КХДР) тактик ядро қуроли билан жиҳозланган янги сувости кемасини сувга туширди. Маросимда мамлакат етакчиси Ким Чен Ин иштирок этди. Бу ҳақда Шимолий Корея марказий телеграф агентлиги хабар бермоқда.
Янги сувости кемаси “Қаҳрамон Ким гун Ок” номи билан аталган. У Шимолий Корея Ҳарбий-денгиз кучларининг тегишли дивизиясига топширилади.
Ким Чен Иннинг таъкидлашича, мамлакат кемасозлик саноатини ривожлантиришда муайян ютуққа эришган. Шимолий Корея жанговар кучларнинг сувости ва сувусти кемаларини тўхтовсиз модернизация қилишда давом этади.