ТОШКЕНТ, 31 авг — Sputnik. Бугун Тошкентнинг қатор кўчалари ёпилиши муносабати билан автобусларининг ҳаракати ўзгаради, дея хабар берди Транспорт вазирлиги.
Қайд этилишича, Шаҳидлар хотираси майдонида тадбир ўтказилади. Шу муносабат билан, Амир Темур кўчасининг Боғишамол кўчасидан Шаҳристон кўчасигача бўлган қисми ёпилади.
Мазкур кўчалардан ҳаракатланувчи 97, 150, 24, 50, 51, 63, 91, 93, 95, 140, 67-сонли автобус йўналишларининг ҳаракати ўзгаради.