ТОШКЕНТ, 29 авг — Sputnik. Россиянинг импорт ўрнини босувчи тизимлар билан ишлаб чиқилган SJ-100 яқин йўналишли самолёти намунаси Комсомольск-Амурда илк парвозини амалга оширди. Бу ҳақда Россия Саноат ва савдо вазирлиги хабар қилди.
“Синовлар давомида маҳаллий тизимларнинг барқарор иши, самолётнинг бошқарувчанлиги ва бардошлиги тасдиқланди”, - дейилган хабарда.
Самолётни “Яковлев” ОАЖ (“Ростех” Бирлашган авиасозлик корпорацияси (ОАК) таркибига киради) ишлаб чиққан. Маҳаллий ҳаво кемаси қарийб 40 та тизим ва агрегат алмаштирилган.
Синовчи учувчилар Леонид Чикунов ва Дмитрий ҳамда синовчи муҳандис Денис Велижанин самолётни синовдан ўтказган.
Биринчи парвоз 54 дақиқа давом этган. Самолёт 3000 метр баландликда соатига 343 километр тезликда учган.
“Биз биринчи навбатда ўзимизга мустақил равишда замонавий фуқаролик самолётларини ишлаб чиқара олишимиз мумкинлигини исботладик”, - деди ОАК бош директори Юрий Слюсарь импорт ўрнини босувчи SJ-100 самолётининг илк парвози ҳақидаги фикрлари билан ўртоқлашаётиб.
SJ-100 – тор фюзеляжли яқин йўналишли самолёт. Лайнер “Superjet”нинг яна бир модели бўлади.