ТОШКЕНТ, 29 авг — Sputnik. “Днепр” қўшинлари гуруҳи аскарлари бир кун ичида Херсон яқинидаги Украина Қуролли кучларининг қурол-яроғи ва ҳарбий техникаси, “Град” сақланган ангарини йўқ қилди, деб хабар берди вазиятдан хабардор РИА Новости манбаси.
"Херсон йўналиши бўйича "Днепр" қўшинлари гуруҳининг зарбаси натижасида қуйидагилар йўқ қилинди: Украина Қуролли кучлари бўлинмаларидан бирининг қурол-яроғ ва ҳарбий техникаси бўлган ангар, 8 нафар ҳарбий хизматчи йўқ қилинди, 11 нафари яраланди, 13 та машина яроқсиз ҳолатга келтирилди, “Град” уч кишидан иборат экипаж ва ўқ-дорилар билан", — деди манба.
Шунингдек, унинг сўзларига кўра, Каховка йўналишида Украина Қуролли кучлари бўлинмаларидан бирининг вақтинчалик жойлаштириш нуқтасига зарба берилди, 16 нафар ҳарбий ҳалок бўлди, тўртта автомобил ишдан чиқарилди.
Днепрнинг бўйида жойлашган Херсон ороллари ҳудудида Россия ҳарбийлари бошқа душман бўлинмаси позициясини ўққа тутдилар. Душманнинг йўқотишлари 9 кишини ва ўқ-дорилар билан 120 мм миномётни ташкил этди.
Мудофаа вазирлиги ахборотига кўра, бир суткада Украина Қуролли кучлари Херсон йўналишида 35 кишини, 3 та техникасини, АҚШда ишлаб чиқарилган М109 Paladin ўзиюрар артиллерия мосламасини, шунингдек, иккита Д-30 гаубицасини йўқотди.