ТОШКЕНТ, 29 авг — Sputnik. Қорақалпоғистон Республикаси адлия вазири тайинланди, дея хабар берди вазирлик матбуот хизмати.
Қорақалпоғистон Республикаси адлия вазири этиб Элмурод Турсунов тайинланди.
У 2022 йилдан ҳозирги вақтга қадар Қорақалпоғистон Республикаси Адлия вазирининг биринчи ўринбосари лавозимида ишлаб келаётган эди.
Назначен министр юстиции Каракалпакстана
© Министерство юстиции
Элмурод Турсунов 1983 йилда Қорақалпоғистон Республикаси, Хўжайли туманида туғилган. Маълумоти олий, 2006 йилда Қорақалпоқ давлат университетини тамомлаган, ҳуқуқшунос.
У ўз меҳнат фаолиятини 2006-2007 йилларда Қорақалпоғистон Республикаси Нукус шаҳар 1-сон давлат нотариал идораси архивариуси лавозимидан бошлаган. 2007-2022 йилларда Қорақалпоғистон Республикаси Адлия вазирлигида турли масъул лавозимларда фаолият юритган.