ТОШКЕНТ, 28 авг — Sputnik. Россия ҳарбий-денгиз кучлари Украина қуролли кучларининг авиация қуроллари сақланган омборга ракета зарбасини берди, деб хабар берди Мудофаа вазирлиги.
"Бугун тунда ҳарбий денгиз флоти Украина Қуролли кучларининг авиация қуроллари ва ўқ-дорилари омборига денгиздан узоқ масофага мўлжалланган юқори аниқликдаги қуроллар билан зарба берди. Зарбадан кўзланган мақсадга эришилди", — дейилган вазирлик хабарида.
Барча белгиланган нишонларга зарба берилганини таъкидланди.
Ўтган жума куни Россия кемалари Украина кучлари фойдаланаётган портга денгиздан учириладиган қанотли ракеталарни отган. Қуролли кучлар объектга зарба беришга муваффақ бўлди.
10 октябрдан бери Россия армияси Украина энергетика, мудофаа саноати, ҳарбий қўмондонлик ва алоқа объектларига ракета зарбаларини бермоқда. Владимир Путин таъкидлаганидек, биринчи ҳужум Киев томонидан Қрим кўпригида уюштирилган портлашга жавоб бўлган.
Украина 17 июлга ўтар кечаси Керч бўғози кесиб ўтиш жойига яна ҳужум қилди. Шундан сўнг, Россия қуролли кучлари Одесса, Ильичевск ва Николаевга, шу жумладан, пилотсиз қайиқларни ишлаб чиқариш ва сақлаш жойларига, ўқ-дорилар омборларига ва ёқилғи сақлаш жойларига зарба беришди.