ТОШКЕНТ, 28 авг — Sputnik. Ҳиндистоннинг “Прагьян” космик кемаси Ой юзасига оид илк маълумотларни узатди, деб хабар берди Ҳиндистон космик тадқиқотлар ташкилоти (ISRO) Х (собиқ Twitter) ижтимоий тармоғида.
Луноход биринчи марта Ер сунъий йўлдошининг жанубий қутбидаги ҳароратни ўлчади. Ташкилот сув остидаги ҳароратнинг ошишини кўрсатадиган графикни нашр этди.
"У зонднинг кириб бориши давомида қайд этилган турли чуқурликдаги (8 миллиметр чуқурликдан 20 миллиметргача) ой юзаси қатламлари ҳароратининг ўзгариши акс этган", — дейилган хабарда.
Графикга кўра, юзанинг ҳарорати Цельсий бўйича 60 даражага етиши мумкин.
Коинот агентлигининг катта етакчи олими "Press Trust of India" билан суҳбатда кутилмаган юқори кўрсаткичдан ҳайратда эканлигини билдирди.
Ҳозир олинган маълумотларни чуқур ўрганиш ишлари олиб борилмоқда.
Ҳиндистоннинг “Чандраян-3” миссиясининг тушиш модули борти Ойга 23 август куни Ойга қўнди. Ҳиндистон СССР, АҚШ ва Хитойдан кейин Ойга ўз қурилмасини етказиб бера олган тўртинчи давлат бўлди ва дунёдаги биринчи қурилма Ойнинг жанубий қутбига юмшоқ қўнишни амалга оширди.