ТОШКЕНТ, 27 авг — Sputnik. Украина махсус операциядан кейин Польша ва Венгриянинг аралашуви туфайли ҳудудининг катта қисмини йўқотиши мумкин, дейди собиқ америкалик разведка ходими Скотт Риттер.
“Будапештга Венгрия аҳолиси яшайдиган Закарпатьени босиб олиш ва эгаллашга нима тўсқинлик қилмоқда? Польшанинг Волин вилоятига аралашувига нима тўсқинлик қилади? <...> Уларни ҳеч нарса тўхтата олмайди”, - деди у.
Экспертнинг фикрича, қўшни давлатларнинг ҳаракатлари натижасида Украина катта ҳудудий йўқотишларга дуч келиши мумкин. Шу билан бирга, Киев яқин келажакда можарони тинч йўл билан ҳал қилишга рози бўлмаса, қирғоқбўйи шаҳарлари, жумладан, Николаев ва Одесса устидан назоратни сақлаб қола олмайди, деб ҳисоблайди ҳарбий.
“Украинадан фақат саноат ишлаб чиқариши бўлмаган митти давлат қолди”, - дея хулоса қилди Риттер.
Россия Ташқи разведка хизмати Польшанинг Украинага нисбатан тажовузкор ниятлари ҳақида бир неча бор огоҳлантирган. Ташқи разведка хизмати директори Сергей Наришкиннинг сўзларига кўра, Варшава қўшни давлатни амалда парчалаш сценарийлари устида ишламоқда ҳамда АҚШ ва Буюк Британиянинг кўмагига умид қилмоқда.