ТОШКЕНТ, 26 авг — Sputnik. Ўзбекистон, Қозоғистон ва Тожикистон корхоналари ўртасида ҳамкорлик меморандумлари имзоланди, дея хабар берди Сирдарё вилояти ҳокимлиги.
Сирдарёда Ўзбекистон, Қозоғистон ва Тожикистон давлатларининг иқтисодий-маданий форуми бўлиб ўтди. Унда маҳаллий ҳамда Қозоғистон ва Тожикистон давлатларидан ташриф буюрган 100 га яқин ишбилармон доира вакиллари иштирок этди.
Сирдарёда Ўзбекистон, Қозоғистон ва Тожикистон давлатларининг иқтисодий-маданий форуми бўлиб ўтди.
© Хокимият Сырдарьинской области
Форумда қуйидагилар ўртасида келишувлар имзоланди:
"Сирдарё" эркин иқтисодий зонаси ва Қозоғистоннинг "Krisral almaz group" компанияси;
Янгиер шаҳар ҳокимлиги ва Тожикистоннинг "Unit gpoup Sirdarya" компанияси;
"Guliston alumin pro" ва Тожикистоннинг "Бадр" қўшма корхонаси.
Сирдарёда Ўзбекистон, Қозоғистон ва Тожикистон давлатларининг иқтисодий-маданий форуми бўлиб ўтди.
© Хокимият Сырдарьинской области
Форум иштирокчилари вилоятда ишлаб чиқарилаётган 350 дан ортиқ турдаги саноат, қишлоқ хўжалиги ва озиқ-овқат маҳсулотлари кўргазмаси билан ҳам танишишди.
Сирдарёда Ўзбекистон, Қозоғистон ва Тожикистон давлатларининг иқтисодий-маданий форуми бўлиб ўтди.
© Хокимият Сырдарьинской области
Шунингдек, Сирдарёда гастрономик фестивал ва миллий таомлар ярмаркаси ўтказилди. Унда ўзбек, қозоқ, тожик халқларининг миллий таомлари тайёрланди.