ТОШКЕНТ, 15 авг — Sputnik. Наманган вилоятининг Тўрақўрғон туманида замонавий мактаб қад ростламоқда. Бу ҳақда вилоят ҳокимлиги матбуот хизмати хабар берди.
Таъкидланишича, ўтган йилги Инвестиция дастурига асосан Еттикон маҳалласида жойлашган 4-умумтаълим мактабини қайта қуриш учун 7 миллиард 843 миллион сўм маблағ ажратилди.
“Мактаб бундан 70 йил аввал қурилган бўлиб, қўшимча машғулотлар мослаштирилган хоналарда олиб бориларди”, - дейилади хабарда.
Қайд этилишича, аввал 300 ўринли бўлган мактаб 660 ўринлига айлантирилмоқда.
Мактабнинг янги биноси шу йил октябрь ойида топширилиши режалаштирилган.