ТОШКЕНТ, 12 авг — Sputnik. Россия ҳарбийлари Украина Қуролли кучларининг Купянск йўналишида 4 та таянч нуқтаси ва 5 та кузатув постини эгаллаб олди. Бу ҳақда РИА Новости "Ғарб" гуруҳининг матбуот маркази раҳбари Сергей Зибинскийга таяниб хабар берди.
Купянск йўналишидаги жангларда 6-қўшма қуролли армиянинг ҳужум гуруҳлари Ольшана қишлоғи ҳудудида тўртта истеҳком ва бешта кузатув постини эгаллаб олишди ва бир нечта пиёдалар взводларини мағлуб этишди.
Офицернинг сўзларига кўра, худди шу йўналишда рус аскарлари Украина Қуролли кучларининг 7 та ҳужумини қайтарган.
“Киев Синьковка ва Новоселовское аҳоли пунктлари ҳудудида, шунингдек, Манковка трактида позицияларни эгаллашга ҳаракат қилди, деди Зибинский.
Россия Федерацияси Мудофаа вазирлиги кун давомида Украина Купянск йўналишида 165 дан ортиқ ҳарбий хизматчини йўқотгани ҳақида хабар берганди.