ТОШКЕНТ, 12 авг — Sputnik. Кунига икки финжондан кўп бўлмаган қаҳва ичиш мумкин. Бу ҳақда гастроентеролог, диетолог Нурия Дианова маълум қилди.
Мутахассиснинг сўзларига кўра, қаҳванинг ортиқча бўлиши юрак уришининг тезлашишига таъсир қилади ва жиғилдон қайнашини келтириб чиқаради. Шунинг учун ичимликни истеъмол қилиш чекланган бўлиши керак.
"Сиз кунига икки финжондан кўп бўлмаган қаҳва ичишингиз керак, ва кетма-кет эмас, балки эрталаб, масалан, кечқурун тўрт-беш атрофида", дейди Дианова News.ru нашрига.
Мутахассис қаҳва ошқозон ва қизилўнгачга салбий таъсир кўрсатиши, шунингдек, хлорид кислотанинг ортиқча секрециясини келтириб чиқариши мумкинлиги ҳақида огоҳлантирди.
Ошқозон яраси, цирроз, панкреатит ва аритмия билан оғриган одамлар ичимликдан бутунлай воз кечишлари керак.
Маълумот учун, қаҳва ўт пуфагида тош пайдо бўлиш хавфини камайтиради ва овқат ҳазм қилиш жараёнини фаоллаштиради. Шунингдек, ушбу ичимлик сафро ишлаб чиқаришни кўпайтирувчи гормон - холецистокинин секрециясини яхшилайди. Тадқиқотда қаҳванинг овқат ҳазм қилиш тизимига салбий таъсири ҳақидаги қўрқувлар тасдиқланмаган.