ТОШКЕНТ, 11 авг — Sputnik. Шавкат Мирзиёев Бухоро вилояти Ромитан туманида яшовчи Халил Қобилов ва Гулбаҳор Тўхтаевалар хонадонида бўлди, дея хабар берди давлат раҳбари матбуот хизмати.
Давлат раҳбари Бухоро вилояти Ромитан туманидаги Қаҳрамон маҳалласида бўлиб, аҳоли турмуши билан яқиндан танишди.
Шавкат Мирзиёев Ромитан туманидаги Қаҳрамон маҳалласида бўлди.
© Пресс-служба президента Узбекистана
Қайд этилишича, бу ерда 3 минг 900 нафарга яқин аҳоли яшайди. Маҳалланинг драйвери ҳунармандлик ва иссиқхона хўжалиги дейиш мумкин. 200 гектар майдондаги иссиқхоналарда бозорбоп сабзавотлар етиштириб сотилади. Шунингдек, мебелсозлик, тикувчилик, зардўзлик яхши ривожланган.
Президент Халил Қобилов ва Гулбаҳор Тўхтаевалар хонадонида қўни-қўшнилар, оқсоқоллар билан сухбатлашди.
Маҳалла раиси ҳудуддаги ўзгаришлар, одамлар ҳаёти ҳақида сўзлаб берди.
Шавкат Мирзиёев Ромитан туманидаги Қаҳрамон маҳалласида бўлди.
© Пресс-служба президента Узбекистана
“Маҳаллада ўндан ортиқ савдо дўкони, тикувчилик устахоналари, меҳмонхона ва ресторанлар бор. Уларда маҳаллий ёшлар ишлаб, даромад топмоқда. Умуман айтганда, маҳаллада ишсиз одам йўқ, ўтган даврда биронта жиноят содир этилмаган”, - дейилади хабарда.
“Обод маҳалла” дастури асосида инфратузилма яхшиланган. Хусусан, ички йўллар асфальтланиб, пидёдалар йўлаклари қурилган. Трансформатор ўрнатилиб, электр тармоқлари янгиланган.
Шавкат Мирзиёев Ромитан туманидаги Қаҳрамон маҳалласида бўлди.
© Пресс-служба президента Узбекистана
“Одамларга нима куч беради? Ислоҳотлар натижасини ўз ҳаётида кўриш. Бугун одамларимиз шундай руҳ билан эртанги кунга интилаяпти. Ҳаракат қилган оиланинг бири икки бўляпти. Халқимиз бизга катта ишонч билдирди. Янада ўзгаришларни, янги ташаббусларни кутаяпти. Бу жуда юксак масъулият", - деди Шавкат Мирзиёев.
Шавкат Мирзиёев Ромитан туманидаги Қаҳрамон маҳалласида бўлди.
© Пресс-служба президента Узбекистана
Айтилишича, учрашувда нуронийлар ёшлар тарбияси, туман ривожи бўйича ўз таклифларини билдириб ўтган.
Шавкат Мирзиёев Ромитан туманидаги Қаҳрамон маҳалласида бўлди.
© Пресс-служба президента Узбекистана