ТОШКЕНТ, 7 авг — Sputnik. Внуково аэропортида божхоначилар бўйнига икки килограммли тилла занжир билан хорижга чиқиб кетмоқчи бўлган Арманистон фуқаросини қўлга олишди, деб хабар қилмоқда РИА Новости Федерал божхона хизмати матбуот хизмати хабарига асосан.
“Внуково божхона бошқармаси ходимлари Туркияга учиб кетаётган 32 ёшли Арманистон фуқаросини қўлга олишди. У вазни икки килограмм бўлган тилла занжир билан Туркияга чиқиб кетмоқчи бўлган”, — дейилади хабарида.
Божхона ходимларининг таъкидлашича, яшил йўлакдан ўтиш вақтида об-ҳавога мос келмайдиган кийим кийган эркак жуда хавотирга тушган. Кейинроқ у инспекторларга “сариқ металл занжир”ни кўрсатиб, унинг нархи 50 минг рубль эканлигини айтган. Лекин экспертизада аниқланишига кўра, занжир 999чи пробали олтинидан ясалган бўлиб, унинг нархи тахминан тўққиз миллион рублни ташкил қилади.
Контрабанда қилинмоқчи бўлган товар олиб қўйилган. ФТС қўшимча қилишича, стратегик аҳамиятга эга товарлар ва ресурсларни контрабанда қилиш моддаси бўйича жиноий иш қўзғатиш масаласи кўриб чиқилмоқда. Бундай жиноят учун энг катта жазо 7 йилгача озодликдан маҳрум қилишдир.