ТОШКЕНТ, 5 авг — Sputnik. Ўтган даврда катта билим ва тажриба орттирган темир йўл соҳаси ходимлари ўз вазифаларни муваффақиятли адо этишди. Бу ҳақда Шавкат Мирзиёевнинг темир йўл транспорти соҳаси ходимларига йўллаган байрам табригида маълум қилинди.
Президент темир йўл транспорти соҳасидаги ишчи ва хизматчилар, қурувчи ва муҳандислар, машинист ва вагон кузатувчилари, соҳа фахрийларини темир йўл транспорти ходимлари куни билан табриклади.
“Тошкент — Новосибирск — Тошкент” йўналишида халқаро поезд
© Ўзбекистон темир йўллари
“Сиз, азизларни касб байрамингиз билан яна бир бор табриклаб, келгуси фаолиятингизда янги ютуқ ва омадлар, хонадонларингизга тинчлик, бахт ва қут-барака тилайман”, дейилган байрам табригида.
Айтилишича, мамлакат Марказий Осиёда биринчи бўлиб темир йўл соҳасида ўзининг оғир машинасозлик ва қуюв-металлургия саноатига эга бўлди.
Самарқанд темир йўл вокзали
© Тошкент МТУ
"Энг муҳими, соҳада амалга оширилаётган мураккаб бошқарув ва технологик ишларнинг барчаси ўзимизнинг маҳаллий мутахассисларимиз, азму шижоатли ёшларимиз томонидан бажарилмоқда", дея қўшимча қилинган табрикда.
Самарқанд темир йўл вокзали
© Тошкент МТУ
Президент ўз табригида ушбу тизимда сидқидилдан меҳнат қилаётган барча юксак маҳоратли, жонкуяр инсонларга ўзнинг ва фуқаролар номидан ташаккур билдирган.