ТОШКЕНТ, 4 авг — Sputnik. Қашқадарё вилоятининг Чироқчи туманига янги ҳоким тайинланди, дея хабар берди вилоят ҳокимлиги.
Файзулла Юсупов Чироқчи тумани ҳокими этиб тайинланди.
“Бугун халқ депутатлари Чироқчи тумани Кенгашининг навбатдан ташқари сессияси бўлиб ўтди. Сессияда депутатлар Файзулла Юсуповни Чироқчи тумани ҳокими лавозимига тасдиқлашди”, дейилади хабарда.
Юсупов 1976 йил Қамаши туманида туғилган. У 1999 йил Тошкент молия институтини, 2006 йил Ўзбекистон Республикаси Банк-молия академиясини тугатган.
Тайинловга қадар вилоят Иқтисодиёт ва молия бош бошқармаси бошлиғи лавозимида ишлаб келаётган эди.