ТОШКЕНТ, 3 авг — Sputnik. Ўзбекистонлик бир гуруҳ санъаткорларга Озарбайжоннинг юксак давлат мукофотлари топширилди, дея хабар берди Маданият вазирлиги.
Хабарда айтилишича, Озарбайжонда бўлиб ўтаётган Ўзбекистон маданияти кунлари доирасида бир гуруҳ ўзбекистонлик санъаткорлар Озарбайжоннинг юксак давлат мукофотлари билан тақдирланди.
Ўзбекистонлик санъаткорларга Озарбайжоннинг юксак давлат мукофотлари топширилди
© Министерство культуры
Уларга мукофотлар тантанали топширилди.
Ўзбекистонлик санъаткорларга Озарбайжоннинг юксак давлат мукофотлари топширилди
© Министерство культуры
Мукофотлар билан тақдирланган санъаткорлар:
Ўзбекистон халқ артисти Насиба Абдуллаева - “Озарбайжон халқ артисти” унвони;
Ўзбекистон халқ артисти Абдуҳошим Исмоилов - “Дўстлик” ордени;
Ўзбек давлат симфоник оркестри бош дирижори, Ўзбекистонда хизмат кўрсатган артист Камолиддин Ўринбоев - “Дўстлик” ордени.
Ўзбекистонлик санъаткорларга Озарбайжоннинг юксак давлат мукофотлари топширилди
© Министерство культуры
Эслатиб ўтамиз, ўтган йили Озарбайжон президенти Илҳом Алиев Ўзбекистон халқ артисти Насиба Абдуллаевани "Озарбайжон халқ артисти" фахрий унвони билан мукофотлаган эди.
Бундан ташқари, созанда Абдуҳошим Исмоилов, Тошкентдаги Озарбайжон маданий маркази фаоли, сирдарёлик озар шоири Носирли Али Ҳайдар ўғли, Ўзбекистон давлат консерваторияси ректори, Ўзбекистонда хизмат кўрсатган артист Камолиддин Ўринбоев "Достлуг" ("Дўстлик" ) ордени билан тақдирлаган.