ТОШКЕНТ, 29 июл — Sputnik. Россиянинг Украина можаросида ғалаба қозониши муқаррар ва НАТОнинг ҳозирги кўринишида мавжуд бўлишини тўхтатишига олиб келади. Бу ҳақда Марказий разведка бошқармасининг собиқ таҳлилчиси Ларри Жонсон маълум қилди, деб ёзмоқда РИА Новости.
“Ғарбнинг кўпчилигини даҳшатга соладиган нарса шундаки, “агар у ғалаба қозонса” эмас, балки “Россия ғалаба қозонади”. Ва у ғалаба қозонса, НАТО учун экзистенциал хавф туғдиради. Алянс, эҳтимол, биз билганимиздек, ўз фаолиятини тўхтатади, деди у.
Унинг таъкидлашича, можарода ғалаба қозонгач, Россия Днепрнинг шарқида жойлашган Украинанинг бутун ҳудудини назорат қилади ва Одессани қайтариб олади.
“Дунё бу билан муросага келиш вақти келди, чунки Украина парчаланиши билан кейингиси катта эҳтимол билан НАТОнинг қулаши бўлади”, деб хулоса қилди эксперт.
Аввалроқ Марказий разведка бошқармаси собиқ таҳлилчиси Ғарб давлатлари ва НАТОнинг Украина можаросига аралашуви президент Владимир Зеленский ва унинг Киев режимини Россия армияси қудратидан қутқариб қолмаслигини айтганди.