ТОШКЕНТ, 26 июл — Sputnik. Бугун Ўзбекистон терма жамоаси Тожикистон пойтахтида ўтаётган “CAFA Futsal Cup 2023” мусобақаси доирасида Туркманистонга қарши ўйин ўтказади.
Душанбе шаҳрида 23-30 июль кунлари Марказий Осиё футбол ассоциацияси шафелигида футзал бўйича миллий терма жамоалар ўртасида илк бор – “CAFA Futsal Cup-2023” турнири бўлиб ўтмоқда.
Турнир доирасида жами 15 та учрашув ўтказилади. Бугун турнирнинг 3-кунида Ўзбекистонга Туркманистонга қарши ўйин олиб боради. Ўйинни "Спорт ТВ" орқали Ўзбекистон вақти билан соат 14:00 да томоша қилиш мумкин.
Эслатиб ўтамиз, Ўзбекистон биринчи турда Тожикистон, 2-турда Афғонистон билан ўйнади. Энди 3-турда Туркманистон, 4-турда Эрон, 5-турда эса Қирғизистонга қарши ўйнайди.