ТОШКЕНТ, 25 июл — Sputnik. Кеча тунда "Қамчиқ" довони ҳудудида юк транспорт воситаси автомобиль йўл четига ағдарилиб кетди. Бу ҳақда Йўл ҳаракати хавфсизлиги хизмати хабар берди.
Қайд этилишича, 24 июль куни соат 17:30 ларда "Қамчиқ" довони ҳудудидан ўтувчи А-373 автомобиль йўлининг 243-километрида "Sinotruk Howo" русумли юк транспорт воситасининг ҳайдовчиси бошқарувни йўқотганлиги сабабли автомобиль йўл четига ағдарилган.
Қамчиқ довонида юк транспорт воситаси ағдарилиб кетди
© Служба безопасности дорожного движения
Фавқулодда вазиятлар вазирлиги маълум қилишича, "DAF" русумли юк автомашина ҳайдовчиси эҳтиётсизлиги оқибатида йўл ўртасида қайчи усулида тўхтаб қолган, натижада ёқилғиси оқиб кетган.
Унинг ортидан келаётган "CIMC" русумли қурилиш маҳсулоти ташишга мўлжалланган автомашина тойиб кетиб йўл четидаги хандаққа тушиб кетган.
Ҳайдовчига амалий ёрдам кўрсатилиши вақтида қисқа тирбандлик юзага келган. Тан жароҳати олган ёки вафот этганлар йўқ.