ТОШКЕНТ, 24 июл — Sputnik. АҚШ Давлат департаменти Беларус президенти Александр Лукашенконинг “вагнерчиларнинг Польшага экскурсияга бориш истаги”ҳақидаги сўзларига НАТО ҳудудининг ҳар бир қаричини ҳимоя қилишга ваъда берди.
"Польша билан иттифоқимиз мустаҳкам. Польша НАТО аъзоси ва керак бўлса, НАТО ҳудудининг ҳар қаричини ҳимоя қиламиз", — деди АҚШ ташқи сиёсати вакили Мэттью Миллер.
Июн ойидаги исёндан кейин Беларусга келган вагнерчилар "Украинага ҳарбий юкларни юклаш базасига айланган Польшадаги - Жешувга экскурсияга бормоқчи", деб таъкидлаганди Лукашенко Россия президенти Владимир Путин билан учрашувда.