ТОШКЕНТ, 22 июл — Sputnik. Хитойдан Қашқадарёга 100 дона жамоат транспорти олиб келинади, дея хабар берди вилоят ҳокимлиги.
Вилоят ҳокими Муротжон Азимов бошчилигидаги делегация Хитой Халқ Республикасида савдо-иқтисодий, ижтимоий ва туризм соҳасида ҳамкорликни кучайтириш мақсадида хизмат сафарида бўлиб турибди.
“Турли расмий учрашувлар, йирик компаниялар лойиҳалари кузатувлари ва икки ҳудуд тадбиркорларининг бизнес-форумлари келажакда муҳим аҳамият касб этадиган лойиҳаларни Қашқадарёда амалга ошишига замин яратмоқда”, дейилади хабарда.
Ана шундай келишувлардан бири вилоят маркази - Қарши шаҳри аҳолиси учун 100 дона замонавий жамоат транспорти олиб келишга эришилди.
Эслатиб ўтамиз, вилоят ҳокими Муротжон Азимов бошчилигидаги делегациянинг Хитойга ташрифи давомида "JAC Mоtors" компаниясида ишлаб чиқараётган анъанавий ёки электромобилларни Қарши шаҳрида ҳам ишлаб чиқаришни йўлга қўйиш борасида музокаралар олиб борилган эди.