ТОШКЕНТ, 18 июл — Sputnik. Кеча тунда Одесса портидаги объектлар ракета ҳужуми натижасида зарар кўрди, бу ҳақда Одесса вилояти ҳарбий бошқармаси ҳузуридаги жамоат кенгаши раҳбари Сергей Братчук маълум қилди.
Уриб туширилган ракеталарнинг бўлаклари ва портлаш тўлқини порт инфратузилмаси объектларига зарар етказди, — дейилади нашр.
Украина ОАВлари томонидан эълон қилинган видеога кўра, портда кучли портлаш содир бўлган.
Бундан ташқари, соат 01.50 атрофида Николаев шаҳридаги саноат объектида ёнғин содир бўлди, деб хабар берди Николаев вилояти ҳарбий бошқармаси бошлиғи Виталий Ким.
Украина рақамли трансформация вазирлигининг онлайн харитасига кўра, кечаси Украинанинг Харьков, Полтава, Днепропетровск, Николаев ва Одесса вилоятларида ҳаво тревогаси эълон қилинган.