Хорижий давлат раҳбарларининг Шавкат Мирзиёевга йўлланган табрик сўзларида нима дейилган?

"Овоз бериш натижалари Ўзбекистонда мамлакатни янада жадал ривожлантириш, унинг халқаро нуфузини мустаҳкамлаш, фуқароларнинг ҳуқуқ ва манфаатларини ҳимоя қилиш йўлида амалга оширилаётган кенг кўламли ислоҳотлар сиёсати халқ томонидан кенг қўллаб-қувватланаётганини яна бир бор кўрсатди".

“Президентлик сайлови натижалари Сиз ҳамда амалга ошираётган ички ва ташқи сиёсатингиз Ўзбекистон халқи томонидан тўлиқ қўллаб-қувватланаётганини кўрсатди. Доно раҳбарлигингиз остида миллий тараққиёт ва тикланиш дастури, ҳеч шубҳасиз, улкан муваффақиятларга олиб келишига ишонаман".

Туркманистон етакчиси президентни сайловда қозонган ишончли ғалабаси билан самимий табриклаб, қардош Ўзбекистон халқига фаровонлик ва равнақ тилади.

Тожикистон раҳбари мамлакат етакчисини ишончли ғалаба билан самимий қутлаб, қатор соҳаларда амалий ҳамкорликни янада кенгайтириш масалаларини муҳокама қилди.

Қозоғистон раҳбари Мирзиёвни ғалаба билан чин дилдан қутлаб, унга янги муваффақиятлар, Ўзбекистон халқига эса фаровонлик ва равнақ тилади.

Қирғизистон етакчиси ғалаба билан табриклаб, овоз бериш натижалари аҳоли Ўзбекистоннинг барқарор ижтимоий-иқтисодий тараққиётини таъминлашга қаратилган прагматик сиёсатга ишониши ва уни кенг қўллаб-қувватлашини яққол кўрсатганини айтди.

Ғалаба билан самимий қутлаган Бердимуҳамедов президент билан икки мамлакат ўртасидаги кўп қиррали ҳамкорликни кенгайтириш масалаларини муҳокама қилди.

Озарбайжон раҳбари мамлакат етакчисини самимий табриклаб, дўст Ўзбекистон халқига тинчлик-осойишталик, фаровонлик ва равнақ тилади.

Беларусь президенти давлат раҳбарини ғалаба билан самимий қутлаб, Ўзбекистонга катта муваффақиятлар ва равнақ тилади.

Туркия президенти давлат раҳбарини ғалаба билан дилдан қутлади, сайловчиларнинг овоз беришдаги фаол иштирокини ҳамда Янги Ўзбекистонда амалга оширилаётган ислоҳотлар аҳоли томонидан кенг қўллаб-қувватланганини таъкидлади.

Эрон раҳбари мамлакат етакчисини самимий табриклаб, мамлакатнинг Олий диний раҳбари оятуллоҳ Сайид Али Хоманеийнинг саломи ва табрикларини ҳам етказди.

Венгрия бош вазири мамлакат етакчисини ғалаба билан самимий табриклаб, Ўзбекистон халқига тинчлик-осойишталик, фаровонлик ва равнақ тилади.

Мулоқотда Ўзбекистон билан Қозоғистон ўртасидаги яхши қўшничилик, стратегик шериклик ва иттифоқчилик муносабатлари изчил ривожланиб бораётгани катта мамнуният билан қайд этилди.

Шайх Мансур Ол Наҳаён Ўзбекистон раҳбарини ишончли ғалаба билан дилдан қутлаб, мамлакат халқига фаровонлик ва равнақ тилади. БАА президенти Шайх Муҳаммад Ол Наҳаённинг табриги ва энг эзгу тилакларини ҳам етказди.