Индонезиядаги ўқ отиш спорти бўйича мусобақада Ўзбекистон вакиллари 4 та медалга эга чиқди

Илк куннинг ўзида Ўзбекистон терма жамоаси 2 та олтин, 1 тадан кумуш ҳамда бронза медалларига сазовор бўлди.
Sputnik
ТОШКЕНТ, 10 июл — Sputnik. Индонезия пойтахтида ўқ отиш спорти бўйича “Kapolri Cup 2023” мусобақаси бўлиб ўтмоқда. Кечадан турнирда финал беллашувларига старт берилди.
Илк куннинг ўзида Ўзбекистон терма жамоаси 2 та олтин, 1 тадан кумуш ҳамда бронза медалларига сазовор бўлди.
Барча медаллар пневматик милтиқдан отиш йўналишида қўлга киритилди. Ғолиб ва совриндорлар рўйхати:
Олтин медаль:
Эркаклар, жамоавий: Вадим Скороваров, Жавоҳир Соҳибов, Никита Соколов;
Аёллар, жамоавий: Мухтасар Тоҳирова, Гулбону Қамарбекова, Дилафрўз Қобилжонова.
Кумуш медаль:
Жавоҳир Соҳибов (яккалик).
Бронза медаль:
Дилафрўз Қобилжонова (яккалик).