ТОШКЕНТ, 10 июл — Sputnik. Украина президенти Владимир Зеленскийнинг НАТО аъзолигига бўлган фойдасиз умидлари мамлакат ичида жиддий ихтилофга олиб келди. Бу ҳақда Леонид Кучманинг собиқ маслаҳатчиси Олег Соскин ўзининг YouTube блогида хабар берди.
"Зеленский, НАТО ни орзу қилма, у сенга насиб қилмайди. <…> Ғарб лаққа туширди", - фикр билдирди эксперт.
Унинг сўзларига кўра, Киев режими раҳбари мамлакатни харобага айлантирди. Соскиннинг ишончи комилки, президент иттифоққа аъзо бўлишга ва қурбонлар эвазига фойда кўришга уринмаслиги, аксинча, ўт очишни тўхтатиш бўйича музокараларни бошлаши керак эди.
"Украиналиклар ҳар куни йўқ қилинмоқда. Зеленскийнинг мартабаси кескин тушмоқда, чунки у туфайли муаммолар вужудга келгани ва у ҳеч нарса қила олмаслигини ҳамма тушунади", — маълум қилди у.
Спикер, шунингдек, мамлакат ичида оғир иқтисодий ва ижтимоий вазият туфайли қарама-қаршиликлар кучайиб бораётганини, унинг фикрича, бу тез орада Украинада инқилобга олиб келиши мумкинлигини қўшимча қилди.