ТОШКЕНТ, 9 июл — Sputnik. Россия авиацияси ва артиллерияси Украина қўшинларининг Краснолиман йўналишида бўлинмаларига зарба берди, деди “Марказ” гуруҳи матбуот маркази раҳбари Александр Савчук РИА Новости’га.
Гуруҳ авиацияси учта вақтинчалик жойлашув пунктига, ўқ-дорилар омборига, шунингдек, Червоная Диброва, Серебрянское Лесничество, Невское, Терни аҳоли пунктлари ҳудудларида Украина Қуролли кучларининг аскарлари ва ўқ отиш кучи тўпланган ҳудудларига ракета ва бомба зарбаларини берди, - деди у.
Артиллерия, ўз навбатида, Украина қўшинларининг 21 ва 42-механизациялашган бригадалари бўлинмаларига зарба берди. Улар шахсий таркиб ва техника бўйича катта йўқотишларга дуч келди.
“Артиллерияга қарши кураш доирасида Д-30 гаубицаси ва 120 мм миномёт экипажлари йўқ қилинди”, — дея қўшимча қилди Савчук.
Бундан ташқари, “Солнцепек”экипажлари душман қўрғонини йўқ қилди, дея хулоса қилди у.