ТОШКЕНТ, 7 июл — Sputnik. Тошкент металлургия заводида (ТМЗ) вазият барқарор, ишлар режа бўйича амалга оширилмоқда, дейилади корхона томонидан бугун эълон қилинган баёнотда.
Бир неча кун олдин маҳаллий ОАВларда “Тошкент металлургия заводи” таъсисчилари таркибида ўзгаришлар бўлгани ва корхона оғир молиявий аҳволда қолгани ҳақида маълумотлар пайдо бўлган эди.
Компания бунга жавобан қуйидагиларни маълум қилди:
Компания таъсисчилари таркибидаги ўзгаришлар ишлаб чиқариш барқарорлигига ва кредиторлар олдидаги мажбуриятларни ўз вақтида бажариш имкониятига таъсир қилмайди.
ТМЗ қарздорлиги тижорат фаолияти орқали тўланади. Давлат компаниянинг мажбуриятлари бўйича жавобгар эмас.
Қурилиш ва ишлаб чиқаришни молиялаштириш учун кредитларни жалб қилиш йирик корхоналар учун одатий ҳолдир.
ТМЗ тасдиқланган режага мувофиқ, 2026 йилдан даромадга киришни режалаштирмоқда.
Эслатиб ўтамиз, Тошкент металлургия заводи рухланган ва полимер қопламали совуқ ҳолда ёйилган пўлат прокат ишлаб чиқарилади. Маҳсулот Ўзбекистон, МО ва МДҲ бозорлари учун мўлжалланган.