ТОШКЕНТ, 5 июл — Sputnik. Сирдарё вилоятида 360°да қоидабузарликларни аниқлаш бошланди. Бу ҳақда Йўл ҳаракати хавсизлиги хизмати хабар берди.
Қайд этилишича, 360°даги кўринишда қоидабузарликларни аниқловчи махсус қурилма ўрнатилган патруль автомобили Сирдарё вилояти автомобиль йўлларида ҳам хизмат бошлади.
Қоидабузарликларни аниқловчи қурилма ишга туширилди
© Служба безопасности дорожного движения
“Махсус маёқчали мобиль комплекс потруль автомобиллари июль ойидан бошлаб иш фаолиятини бошлади. У 12 турдаги қоидабузарликларни аниқлайди”, - деди Сирдарё вилояти ИИБ ЖХХ ЕҲХБ катта мутахассиси Элёр Қўчқоров.
Хабарда ҳайдовчилардан қоидаларга риоя этган ҳолда, тезликни меъёридан оширмасдан ҳаракатланиш сўралмоқда.
Қоидабузарликларни аниқловчи қурилма ишга туширилди
© Служба безопасности дорожного движения
Эслатиб ўтамиз, май ойида Тошкент вилоятида 360°да қоидабузарликларни аниқловчи қурилма ишга туширилган эди. Бундан мақсад - республика ҳудудида ЙТҲларни олдини олиш, қоидабузарликларга чек қўйиш ва ҳаракатланиш хавфсизлигини таъминлаш.