ТОШКЕНТ, 27 июн — Sputnik. Ўзбекистон ўсмирлар терма жамоаси Таиландда бўлиб ўтаётган Осиё кубогининг ярим финалида Жанубий Корея жамоаси билан тўқнашади.
Ўзбекистон-Жанубий Корея учрашуви 29 июнь куни бўлиб ўтади. Ғалаба қозонган жамоа Осиё чемпиони унвони учун финалда Эрон-Япония ўйини ғолибига қарши майдонга тушади.
Эслатиб ўтамиз, футбол бўйича Ўзбекистон U-17 жамоаси Осиё кубогининг чорак финалида Саудия Арабистонини мағлуб этди. Бу ғалаба билан ўзбекистонлик футболчилар нафақат мусобақанинг ярим финалига чиқишди, балки жаҳон чемпионатига ҳам йўлланмани қўлга киритишди.