ТОШКЕНТ, 25 июн — Sputnik. Бугун бутун Ўзбекистон бўйлаб 23 июнь – Халқаро Олимпия куни ҳамда 30 июнь – Ёшлар кунига бағишланган “Янги нафас” оммавий югуриш мусобақаси ўтказилди. Бу ҳақда Миллий олимпия қўмитаси хабар берди.
© МОҚ
Тадбир Ўзбекистоннинг 16 шаҳрини қамраб олди. Тошкент шаҳридаги баҳслар ҳам юқори савияда ташкил этилди.
© МОҚ
© МОҚ
Қайд этилишича, ушбу мусобақада Ўзбекистон вакилларидан ташқари қўшни Қозоғистон, Тожикистон ва Қирғизистондан ташриф буюрган спортчилар, қолаверса, Ўзбекистонда фаолият олиб бораётган дипломатик корпус вакиллари ҳам иштирок этди.
© МОҚ
© МОҚ
Оммавий югуриш мусобақасида республика бўйича жами 60 мингдан зиёд иштирокчи қатнашди. Улар орасида 17 мингга яқин талабалар, шунингдек, ҳарбий ўқув юртларининг курсантлари ва битирувчиларидан иборат Ватан Қалқони ҳарбий-ватанпарварлик гуруҳи ҳам бор.
Фарғона, Наманган, Бухоро, Самарқанд, Нукус шаҳарларида 1 миля (1609 метр) ва 3 км, Андижон, Гулистон, Нурафшон, Жиззах, Термиз, Навоий, Қоровулбозор, Қарши, Урганч ва Ғузор шаҳарларида 3 км масофада баҳслар бўлиб ўтди.
© МОҚ
“Ҳумо арена” мажмуасининг олдидаги майдон мезбонлик қилган Тошкент шаҳридаги баҳслар эса 1 миля, 3 км ва 10 км масофаларда ташкил этилди.
Бугун кечки дастурда Тошкент шаҳридаги “Миллий боғ” масканида пойтахтда ўтган мусобақанинг ғолиб ва совриндорларини тақдирлаш маросими бўлиб ўтади.