ТОШКЕНТ, 23 июн — Sputnik. Ўзбекистоннинг Наманган ҳамда Тожикистоннинг Сўғд вилоятлари ўртасида йўл харитаси имзоланди, дея хабар берди Наманган вилоят ҳокимлиги.
Вилоят ҳокими Шавкатжон Абдуразаков бошчилигидаги делегация Тожикистон вилоятининг Сўғд вилоятида бўлиб турибди.
© Хокимият Наманганской области
Сўғд вилояти раиси Ражаббой Аҳмадзода ҳамда Наманган вилояти ҳокими Шавкатжон Абдуразаков ўртаси бўлиб ўтган тор доирадаги учрашувда йўл харитаси имзоланди. Ҳужжат икки вилоятлар ўртасидаги ижтимоий-иқтисодий, савдо-сотиқ, туризм, маданият ва қайта тикланувчи энергия соҳасидаги ҳамкорликларни йўлга қўйишни назарда тутади.
© Хокимият Наманганской области
Делегация 30 дан ортиқ турли соҳа вакилларидан иборат бўлиб, улар Сўғд вилояти билан ўзаро ҳамкорликни ривожлантириш бўйича музокаралар, шунингдек, “Савдо ва инвестиция имкониятлари - ҳамкорлик истиқболлари” мавзусидаги халқаро форумда иштирок этишмоқда.