ТОШКЕНТ, 22 июн — Sputnik. Ўзбекистондаги 14 та Президент мактаблари битирувчилари учун “Янги Ўзбекистон ёшлари” номли тантанали битирув кечаси ташкил этилди. Бу ҳақда Мактабгача ва мактаб таълими вазирлиги хабар берди.
© Мактабгача ва мактаб таълими вазирлиги
Унда мактабгача ва мактаб таълими вазири Ҳилола Умарова ҳам иштирок этди.
© Мактабгача ва мактаб таълими вазирлиги
“Бугунги тадбирни сўнгги қўнғироқ эмас, балки олдиндаги марралар томон биринчи қадам деб ҳисобланг. Доимо энг юксак чўққиларни кўзланг, улкан мақсадларга интилинг! Парвозингиз ҳамиша баланд бўлсин!”, - деди Ҳилола Умарова.
© Мактабгача ва мактаб таълими вазирлиги
Таъкидланишича, 14 та Президент мактаби битирувчилари учун 3 кунлик маданий тадбирлар ташкил этилган. Тадбир аввалида“МEҲР” талабалар театр студияси томонидан “Усмон Носир” номли саҳна асари намойиш этилди.
© Мактабгача ва мактаб таълими вазирлиги
Шунингдек, Президент мактаблари битирувчилари “Янги Ўзбекистон” университети, “Ғалаба боғи” ёдгорлик мажмуаси ва “Шон-шараф” давлат музейи экспозицияларида бўлишди.
© Мактабгача ва мактаб таълими вазирлиги